КĔПЕР ТУСА ПĔТЕРЕÇÇĔ
“Элĕк – Ураскилт – Çирĕккасси – Атмалкасси” автомобиль çулĕ çинче кĕпер тăвасси вĕçленсе пырать. Генеральнăй подрядчик – “Стромос” общество. Июнĕн 26-мĕшĕнче асăннă объектра комисси пулнă. Унăн членĕсем строительствăри ĕç-хĕлпе паллашнă, документсене тĕрĕсленĕ, çул тăвакансен ĕçĕпе кăмăллă юлнă.
Объектра çынсем, техника та нумай ĕçлет. Ĕç комиссийĕ патшалăх комиссине кăçалхи июлĕн 15-мĕшĕнче ирттерме палăртнă. Унччен генподрядчик хăш-пĕр çитменлĕхсене пĕтерме шантарнă.
"Пурнăç çулĕпе" Аликовская районная газета