Район пуçлăхĕн çумĕ А.Павлова субсидипе тивĕçтересси ятарлă программăпа килĕшÿллĕн пурнăçланса пынине палăртрĕ. Çак çăмăллăхпа яллă вырăнсенче пурăнакансем, ял хуçалăхĕнче тăрăшакансем усă курма пултараççĕ. “Пÿрт-çурт тăвакансене пулăшма федераллă бюджетран Элĕк районне 1183 пин тенкĕ укçа килнĕ”, – палăртрĕ Альбина Порфирьевна. Çавăн пекех çăмăллăхпа усă куракан çемьесене патшалăх уйăракан укçа-тенкĕпе тĕллевлĕ усă курма сĕнчĕ. Свидетельствăсене çаксем илчĕç: С.Павлов, И.Иванов (Мăн Вылă ял тăрăхĕ), В.Сергеев, А.Петров (Ехремкасси), П.Петров (Тени), Н.Леонтьева, А.Кандрина (Йăлкăш), А.Никифоров (Элĕк).