Халăх ăнланулăхĕ кирлех

Иртнĕ эрнере Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев муниципалитетсене коронавирус чирĕпе кĕрешес енĕпе ĕçлекен штаб çумĕнчи ушкăнсем тухса çÿресси çинчен пĕлтерчĕ. Вĕсен тĕллевĕ – вырăнти лару-тăрупа тĕплĕн паллашасси, кирлĕ пулсан – пулăшасси. Çавăнпа та июнĕн 3-мĕшĕнче Элĕк тăрăхне районăн çĕнĕ кураторĕ, сăмах май вăл Элĕк салинче çуралнă ентеш – Чăваш Республикин ĕç тата социаллă хÿтлĕх министрĕ Алена Елизарова килсе çитрĕ.

Чи малтанах Алена Геннадьевна район администрацийĕнче вырăнти оперативлă ушкăнпа тĕл пулчĕ. Район администрацийĕн пуçлăхĕ Александр Куликов муниципалитетри эпидемиологи лару-тăрăвĕпе паллаштарчĕ.

 Чир сарăлма пуçланăранпа 32 тĕслĕх регистрациленĕ, çак вăхăта вĕсенчен 22-шĕ сывалнă. Инфекцие республика тулашĕнче ĕçлекен ентешсем района «çаклатса» килнине те асăнмалла. Вĕсем Шупашкар тата Мускав хулисенчен  тата Мускав облаçĕнчен. Çакна пула çемьесенче 15 çын чирленĕ.

Тĕплĕнрех хаçатăн 41 (11957)-мĕш номерĕнче вуласа пĕлме пулать.

Марина ЛЕОНТЬЕВА.



05 июня 2020
14:20
Поделиться