«Волга» хуçалăх ĕçченĕсем ноябрь уйăхĕнче икĕ хутчен пĕрлехи пухăва пуçтарăнчĕç. Малтанхинче халăх сахал пулчĕ, çавăнпа та пухăва уçас темерĕç. Иккĕмĕш хутĕнче ял ĕçченĕсем пычĕçех вытăнти культура çуртне. Тĕп ыйту – хуçалăх ертÿçине суйласси. Вырма тапхăрĕнче ĕç-пуçа С. Кудрявцева йĕркелесе тăчĕ-ха, анчах та ун çине яваплăха вăхăтлăха çеç тиенĕччĕ. Ку хутĕнче ертÿçĕне кама лартассине пăхса тухрĕç. Светлана Кудроявцевăсăр пуçне ытти кандидатсем тупăнмарĕç. «Вăлах ĕçлетĕр»,-терĕç залра ларакансем. Çапла вара «Волга» хуçалăх ĕçченĕсем «йывăр лава туртса пыма» хĕрарăмах шанчĕç. Çакна та каламалла: унчеен вăл бригадирта ĕçленĕ.