2005 çул та хыçа юлчĕ, кашнин асĕнчех йĕр хăварчĕ вăл. Çĕнĕ çул епле иртĕ-ха – хальлĕхе татăклăн нимĕн те каламан. Анчах та йытă çулĕн пĕрремĕш кунех хăш-пĕр çемьесене савăнăç парнеллерĕ,- пĕчĕк пепкесем ыйша хушрĕç. Уяв каçĕ Элĕкри тĕп больницăн ача çуратмалли çуртĕнче лăпках иртрĕ. Кăçал пĕрремĕш ача январĕн пĕрремĕшĕнче кăнтăрла иртни икĕ сехетре çуралчĕ. Мăн Ямаш ялĕнче пурăнакан 28-ти Зоя Трофимова 3 килограмм та 102 грамм виçеллĕ, 53 сантиметр тăршшĕ арçын ачана кун çути парнелерĕ. Трофимовсен ку иккĕмĕш ывăл. Çак кунах Кивуйри А.Мясникова та хĕр ача çуратрĕ. Пиллĕккĕмĕш пепке пулчĕ ку вĕсен.