Çĕнĕ çулăн малтанхи кунĕсенчех Тени ял тăрăхĕнчи Эренар çыннисем кар тăрса тухнă хăйсен ял урамĕсемпе йĕри-тавралăхне тасатса тирпей-илем кĕртме. Ку тĕлĕшпе субботник ирттерме пуçару тăваканĕсем депутатсем пулнă. Вырăнти самоуправленин  çĕнĕ органĕн ĕçне тăван ялсен урамĕсене тирпей-илем кĕртессинчен пуçлама шухăш параканĕ вара – Тени ял тăрăхĕн пуçлăхĕ Г. Мурзакова. Çак сĕнĕве чи малтан «ярса илекенĕсем»- Эренар ялĕнче пурăнакансем. Кăрлач уйăхĕн пĕрремĕш шăмат кунĕнчи тирпей-илем кĕртес ĕçе ял çыннисенчен нумайăшĕ хутшăннă, депутатсен пуçарăвĕпе çамрăксем хапăлласах килĕшнĕ.