Выльăхсен ăратне лайăхлатас, продуктивлăхне ÿстерес тĕллевпе комплекслă плана пурнăçласа пырса, районта ăратлă 62 тына, 168 сысна, 1 ĕне выльăх, 17 сурăх, 2 лаша туяннă. Ăратлă выльăх-чĕрлĕх ерчетессине ăталантарма республика бюджетĕнчен 1181,6 пин тенкĕ уйăрса панă.

  Пĕлтĕр «Новый путь» хуçалăхра хура-ула ăратлă ĕне выльăх тата шурă-шултра сыснасем ерчетессипе репродуктор туса хунă. Предприятире сыснасене типĕ апатпа тăрантарассине йĕркеленĕ, комбикорм цехĕ, хутăш апат хатĕрлекен-валеçекен хăватлă агрегат ĕçлет.

  Элита вăрлăх хатĕрлессипе 12785,0 пин тенкĕ тăкакланă.

  Ял хуçалăх предприятисен тĕп фондсене çĕнетессипе лизинг меслечĕпе усă курмалла. Ку майпа 2590 пин тенкĕлĕх ял хуçалăх техники туяннă.