Регионти çăмăллăхпа усă куракансене кăçалхи февральшĕн уйăхри тÿлевпе тивĕçтерме пуçланă. Районĕпе илсен, çăмăллăхпа усă куракансем – 3040 çын, çав шутран тыл ĕçченĕсем – 830, ĕç ветеранĕсем – 2181, таса ята тавăрнисем – 28, политика репрессийĕсенче пула инкек тÿснисем 1 çын. Февральшĕн уйăхри тÿлев 716,12 пин тенкĕ шутланать.

Çăмăллăхпа усă куракансен ытларах пайĕ, 2736 çын, тÿлеве почта урлă илеççĕ. Перекет банкĕ урлă – 304 çын.

Социаллă хÿтлĕх пайĕ ĕç ветеранĕсене телефонпа усă курнăшăн тÿленĕ çĕрте 50 процент çăмăллăх парать. Февраль уйăхĕшĕн 492 çынна 41,6 пин тенкĕ куçарса панă.