Чăваш авалтанах ырă кăмăллăхпа, пĕр-пĕрне пулăшма хатĕр пулнине палăрса тăнă. Юрать-ха çак йăла халĕ те малалла тăсăлса пырать. Акă, Урпаш ял тăрăхĕн ертÿçине компьютер оборудованийĕ пырса панă - ĕçре усă курма паллах. Анчах ăна япăх кабинета вырнаçтараймăн. Вăл пур-ха, тулькĕш юсав ĕçне пурнăçламалла. Ăна валли вара укçа-тенкĕ кирлĕ. Ку шухăш ял тăрăхĕн ĕçченĕсем Арефий  Иванов фермера пĕлтернĕ. Маттур арçын пулăшу пама килĕшнĕ. Хăй шучĕпе кабинет юсаса панă. Халĕ кунта илемлĕ, ĕçлеме те меллĕ.