Çак кунсенче Çĕнĕ Шупашкарта шкул ачисем хушшинче саккăрмĕш спартакиада шучĕпе шашкăлла выляссипе ЧР Президенчĕн кубокне çĕнсе илессишĕн республикăри финал ăмăртăвĕ иртнĕ. Унта пирĕн районти шкул командисем те хутшăннă. Вĕсен шутĕнче: Ураскильтри пĕтĕмĕшле пĕлÿ паракан шкулти 7 класра вĕренекенсем Андрейпа Артем Ксенофонтовсем, Мăн Вылăри пĕтĕмĕшле пĕлÿ паракан шкулти 3-мĕш тата 10-мĕш классенче вĕренекен Сергей Никандровпа Валентина Ивановна, Питĕшкассинчи пĕтĕмĕшле пĕлÿ паракан шкулти 11-мĕш класра вĕренекен Алена Кириллова. Çамрăк спортсменсем Чăваш Республикинчи 16 вăйлă команда хушшинче 6-мĕш вырăн йышăннă.