Çурхи ĕçсем вĕçленнĕ хыççăн районти хуçалăхсенче ĕçпе юрă тата спорт уявĕ ирттересси йăлана кĕрсе пырать. «Шумшеваши» хуçалăх ĕçченĕсем те çак кунсенче уява пуçтарăнчĕç. Ял ĕçченĕсене ака-суха ĕçĕсене ăнăçлă ирттернĕ ятпа хуçалăх ертÿçи М. Семенов, Шĕмшеш ял тăрăхĕн пуçлăхĕн çумĕ В. Марков тата ыттисем те саламларĕç. Ĕçре палăрнă механизаторсем, выльăх-чĕрлĕх пăхакансем, бригада ĕçченĕсем парнене тивĕçрĕç.

Чăваш эстрада юрăçисем Сергей Павлов, Стас Владимиров, Надежда Заводскова, Алексей Шадриков илемлĕ юрăсем шăрантарчĕç. Спорт вăййисенче те тупăшрĕç ял çыннисем.