«Устье» хуçалăх уйĕсенче хĕрÿ ĕç шавĕ тăрать. Курăксене пухса кĕртессипе техника тухăçлă ĕçлет. Ку таранччен ешĕл курăка 125 гектар çулнă.

Çулавăçсем утă хатĕрлессипе тимлĕ. Тутлăхлă типĕ апата 100 тонна янтăланă. «Сенаж та тулăх пултăр»,- теççĕ кунти ĕçченсем. Ăна технологие пăхăнса хывассине те тĕпе хураççĕ. Хальлехе сенаж 500 тонна ытларах хатĕрленĕ. Обществăлла выльăх-чĕрлĕхе тутă хĕл кАçарассишĕн тăрăшса ĕçсем малалла пыраççĕ.