«Алмаз» обществăри машина-трактор паркĕ тĕрлĕ тĕслĕхрен пуян. Чылайăшĕ, ытти çĕртри пекех, кивелсе çитнĕ. Çапах кунта тракторсемпе автомашинăсен, ытти кăкарса ĕçлемелли техника ĕмĕрне тăсассине тĕпе хураççĕ. Техникăна кирлĕ пек упраççĕ, унпа тухăçлă усă кураççĕ.

Хальхи хĕрÿ вăхăтра уй-хирте техника кал-кал ĕçлет. Çавна май утă, сенаж чылай  хывса хăварма май килнĕ. Кĕр тыррисене акма çĕр хатĕрлессипе те юнтапасем малтисен ретенче.