Паянхи çамрăксене ял пурнăçĕ питех илертмест. Вĕсем ытларах хулана туртăнаççĕ, «шабашкăсене» тухса çÿрекелеççĕ.

Паллă ĕнтĕ, тăрăшсан, ĕçе юратсан ялта та пурнăç йĕркелеме пулать. Йăлкăш ялĕнче пурăнакан С. Кононов ялтах юлас тенĕ. Вăл кăçалхи январьте «Дружба» хуçалăх никĕсĕ çинче «Коновов С.Л.» фермер-хуçалăхне йĕркелесе янă, ĕне  фермине те хăй аллине илнĕ. Унта 98 пуç ĕне тата 120 пуç пăру. Вăтамран пĕр ĕнерен талăкра 12 килограмм сĕт суса илеççĕ. Кунсăр пуçне 450 гектар тырă акса хăварнă. Халĕ тасатса типĕтмелли агрегатсене юсас ĕçсем пыраççĕ. Çав вăхăтрах 150 тонна утă хатĕрленĕ, сенаж та тунă. Çамрăк фермера мăшăрĕ, ывăлĕпе хĕрĕ хавхалантарса тăраççĕ.