«Раççейри чи лайăх  килти хушма хуçалăх» конкурса хутшăнма Элĕк ял тăрăхĕн администрацийĕ  райцентрти Октябрь урамĕнче пурăнакан Георгий Григорьевич Васильева суйласа илнĕ. Мĕншĕн тетĕр-и; Васильевсем çĕр çинче ĕçлеме юратаççĕ, выльăх-чĕрлĕх те сахал мар усраççĕ. Георгий Григорьевича районта пурăнакансем лайăх пĕлеççĕ. Вăл - районти çыхăну почта начальникĕ. Апла пулин те, ĕç хыççăнхи пушă вăхăта усăсăр ирттермест, килти хушма хуçалăхра аппаланать. Кăçал вăл «АПКа аталанăвĕ» наци проектне хутшăнса, çăмăллăхлă кредит та илчĕ.