Вăхăт сисĕнмесĕрех малалла шăвать. Акă, октябрь уйăхне те кĕретпĕр ĕнтĕ. Кăçалхи вырма ĕçĕсем, çанталăк йĕпе-сапа тăнăран, вăраха кайрĕç. Апла пулин те районти хуçалăхсем ĕççинее тивĕçлипе вĕçлерĕç. Пĕрчĕллĕ тата пăрçа йышши культурăсене 9810 гектар çинчен пухса кĕртрĕç. Вăтам тухăç 17,8 центнерпа танлашрĕ.

Халĕ хуçалăхсенче çĕр улми кăларас ĕç пырать.Малтан шутласа пăхнă тăрăх, «иккĕмĕш çăкăр» кашни гектартан  вăтамран 200 центнер тухать, фермер хуçалăхĕсенчи тухăç татах та пысăкрах – 350 центнер.

Кĕрхисене 1890 гектар акнă. Улăма 8987 гектар çинчен пуçтарнă.