Районти халăх ĕçпе тивĕçтерекен центр ĕçсĕр тăрса юлнисене ĕçе вырнаçтарассипе витĕмлĕ мерăсем йышăнать. Ку службăн кăтартăвĕсем пĕлтĕрхинчен самаях пысăк. Пĕтĕмпе кăçалхи 10 уйăхра 648 çынна ĕçе вырнаçтарнă, çак шутран 310-шĕ - ĕçсĕр тăрса юлнисем. Ĕç шыракансене ĕçпе тивĕçтернин шайĕ – 82,7 процент.

47 çынна професси пĕлĕвĕ илме янă, пурĕ 14 специальноçпе вĕреннĕ. Вĕсенчен 70,2 проценчĕ – хĕрарăмсем, 81 проценчĕ – 29 çула çитмен яшсемпе хĕрсем. Асăннă служба пулăшнипе 44 çын, çав шутран 30 çула çитменнисен 30 проценчĕ республика тулашĕнче ĕç тупнă.

Ĕçпе тивĕçтерекен служба 18-20 çулхи çамраксене ĕçе вырнаçтарас тесе 4 организаципе тата предпринимательсемпе килĕшÿ тунă. Çакна валли федераци бюджетĕнчен те, ĕçпе тивĕçтерекенсенчен те укçа-тенкĕ уйăраççĕ.