Иртнĕ кунсенче Çĕнĕ Шупашкарта, Совет Союзĕн Геройне Дудецкие чысласа, Раççейри çăмăл атлетсен ăмăртăвĕ иртрĕ. Унта пирĕн район шкул ачисем те хутшăнчĕç, ăмăрту 2 куна тăсăлчĕ. Пĕрремĕш кунхине 1500 метрлă дистанцире Элĕк шкулĕнче 9-мĕш класра вĕренекен Сергей Федоров 1-мĕш вырăна тухрĕ. 3000 метрлă дистанцире те ăна çитекенни пулмарĕ. Унăн йăмăкĕ Надя, çавăн пекех Тавăт шкулĕнче вĕренекенсен пĕр ушкăнĕ ăмăртура лайăх чупассипе тата хăвăрт утассипе палăрчĕç.