Раштав уйăхĕн вун улттăмĕшĕнче Чăваш патшалăх педагогика университетĕнче халăх юррисене юрлакансен республикăри иккĕмĕш конкурсĕ Ираида Вдовина ячĕпе иртнĕ. Асăннă уява тĕрлĕ районсенчен 15-ĕн хутшăннă. Пирĕн район чысне Алевтина Михайлова (райпо ĕçченĕ), Светлана Григорьева (больницăн ача çуратмалли уйрăмĕ), Станислав Орлов ( Элĕкри культурăпа кану центрĕн директорĕ) хÿтĕленĕ. “Валинкке” ансамбль хăйĕн юрри-ташшипе уява илемлетнĕ. Пĕрремĕш степеньлĕ дипломпа ДВД плеера пирĕн районти А.Михайлова тивĕçнĕ, çĕнтерÿçĕ пулса тăнă. Жюри членĕсем С.Орлова юрăсене питĕ ăста шăрантарнăшăн дипломпа хавхалантарнă.