Ывăлĕ Игорь, Чăваш патшалăх педагогика университечĕн физкультура уйрăмĕн 5-мĕш курс студенчĕ, иртнĕ кĕркунне çар ретне тăнă. Халĕ вăл – Мускав облаçĕнче хĕсметре. Ывăлĕ юратнă амăшĕ патне тăтăшах ăшă çырусем çырать. Йĕкĕт вăй-хал гимнастикинче 1-мĕш вырăн йышăннă. Шăллĕсене – Мускаври автоçул институчĕн 4-мĕш курс студенчĕ Александрпа Юнтапа шкулĕн 11-мĕш класĕнче вĕренекен Николая та спортпа туслă пулма, çĕр-шыв хÿтĕлевçи пулмашкăн хатĕрленме сĕнет. Хальхи вăхăтра салтак уйрăмах пысăк çар хатĕрленĕвĕ паракан взводра вĕренет.