Аликовский муниципальный округ Чувашской Республики
Класс ертÿçисем
Çĕр çинче кирлĕ те лайăх профессисем темĕн чухлех, кашниех хăйне уйрăм ăсталăхпа пултарулăх ыйтать. Учитель профессийĕ вара татах та тĕрлĕ енлĕ. Унăн кăштах тухтăр та пулмалла, вăлах тата – артист та. Ара, ачасене урокра аташма парас мар тесе, мĕн кăна туса кăтартма тивмест пуль унăн. Районти «Чи пултаруллă класс ертÿçи» конкурса хутшăннисем çавсене йăлтах кăтартма пултарчĕç.
Финалти тупăшăва 9 класс ертÿçи хутшăнчĕ. Комисси çаксене çĕнтерÿçĕ тесе палăртрĕ: «Пуçламăш классен чи лайăх ертÿçи» номинацире – Элĕкри И.Я.Яковлев ячĕллĕ вăтам шкулти Надежда Львовна Иванова учительница, «Вăтам сыпăкри чи лайăх класс ертÿçи» номинацире – Юнтапари вăтам шкулти Людмила Михайловна Ильина учительница. Мăн Вылăри вăтам шкулти Надежда Витальевна Никандрова вара «Аслă классен чи лайăх ертÿçи» ята тивĕçрĕ.
"Пурнăç çулĕпе" Аликовская районная газета