Район пуçлăхĕ А.Платонов министр çумĕпе А.Семеновпа тата район пуçлăхĕн пĕрремĕш çумĕпе А.Павловăпа Шĕмшеш ял тăрăхĕнче пулчĕç, “Шумшеваши” хуçалăхпа “Витязь” обществăн ĕçлекенĕсемпе курса калаçрĕç, çурхи ĕçсем умĕнхи лару-тăрупа паллашрĕç. Çавăн пекех культура, вĕрентÿ ĕçченĕсемпе, ял тăрăхĕн депутачĕсемпе калаçу ирттерчĕç. ЧР ял хуçалăх министрĕн çумĕ А.Семенов республикăн экономикăпа социаллă аталанăвĕн стратегийĕн тĕп тĕллевĕ – республикăра пурăнакансен пурнăç условийĕсене Европа стандарчĕсемпе çывăхлатасси пулнине каларĕ. Çак документран пирĕн пуласлăх нумай килет. А.Платонов ялсене тирпей-илем кĕртес ыйтăва тĕпе хума ыйтрĕ. Ĕçлĕ ушкăн ял çыннисен ыйтăвĕсем çине те тулли хурав пачĕ.