Çамрăк армеецсен вăййисем вĕçленчĕç
Виçĕ кун пычĕç районти «Зарница» тата «Орленок» çар вăййисем. Çамрăк армеецсен мĕн кăна тума килмерĕ-ши; Кашни конкурс - çирĕп тĕрĕслев. Кашни шукул команди мала тухма тăрăшрĕ.
Шăматкун вара çарпа спорт вăййисем хупăнчĕç. çĕнтерÿçĕсем камсем-ха. Аслă ушкăнра та, кĕçĕннинче те Элĕк шкулĕн команди мала тухрĕ. «Орленокра» Ураскилт шкулĕ – иккĕмĕш, Юнтапа шкулĕ виççĕмĕш вырăнсене йышăнчĕç. «Зарница» иккĕмĕш вырăнта Вырăс Сурăм шкулĕ, виççĕмĕшĕнче – Ураскильт шкулĕ.
Çĕнтерÿçĕсене дипломсемпе тата парнесемпе чысларĕç. Çакна палăртмалла: «Зарницăпа» «Орленок» çар вăййисенче пурĕ 380 ача хутшăнчĕ. Хĕвеллĕ кунсем вăйăсене ирттерме лайăх майсем туса пачĕç.