Владислав, акă, Санкт-Петербургри аграри университетĕнче инженер-строителе вĕреннĕ, техника наукисен кандидачĕн ятне илнĕ. Халĕ вăл университетра студентсене пĕлÿ парать, çав вăхăтрах пĕр строительство организацийĕнче прораб пулса ĕçлет. Сергей та çак университетăн экономика факультетĕнчен хĕрлĕ дипломпа вĕренсе тухнă. Экономика наукисен кандидачĕ тăван университетра вĕрентет. Васильевсен Еленăпа Алена хĕрĕсем те Санкт-Петербургри тĕрлĕ университетсенче пĕлĕве тарăнлатнă.

Васильевсен килĕнче ялан туслăх хуçаланать. 2006 çулта вĕсем “Чи лайăх пÿрт” районти конкурса хутшăнса малтисен йышне лекме пултарнă.