Вăл 1914 çулхи çĕртме уйăхĕн çирĕм саккăрмĕшĕнче çуралнă. Çиччĕре чухне тăлăха юлнă. Агреппинăна тата тăватă шăллĕпе йăмăкĕсене пиччĕшĕ пăхса ÿстернĕ, тăванĕсем пулăшнă. Выçăллă-тутăллă ирттернĕ ачалăхне халĕ те манаймасть кинемей. Çамрăклах кĕтÿçе вырнаçнă, ферма сурăххисене пăхнă. Вăрçă çулĕсем те çăмăллăн иртмен уншăн, хуйхи-суйхине, тертне сахал мар тÿснĕ. Апла пулин те, 93-ри ватă паян та чун хавалне сÿнтермест. Кил-çуртра пĕчченех тăрмашать, качака, чăхсем тытать. Утă-улăмне те хăйех хатĕрлеме тăрăшать.