Çу кунĕсенче ял çыннисемшĕн канăç çук. Ульянов ячĕллĕ хуçалăх ĕçченĕсем выльăх апачĕ хатĕрлессипе пысăк тимлĕх кăтартрĕç. Халĕ, акă, комбайнсем уй-хире тухрĕç. Виçĕ экипаж – О.Шленскийпе В.Яковлев, В.Владимировпа С.Васильев, В.Григорьевпа Л.Назаров куллен хĕрÿ ĕçре.

Йĕтем çинче те ĕçсем пуçланчĕç. Студентсемпе вĕренекенсем тăван хуçалăха пысăк пулăшу параççĕ. Вĕсем пурте тăрăшуллă, мĕн хушнине пĕтĕмпех пурнăçлаççĕ.