Райпо йывăрлăхсене пăхмасăр аталану çулĕ çинче çирĕп тăрать. Кăçал та, акă, пĕрремĕш çур çулти иккĕмĕш кварталăн кăтартăвĕсемпе райпо коллективĕ Раççейре пĕрремĕш вырăна тухма пултарчĕ.

Хушма хуçалăха тупăшлă тытса пыма майсем туса парса ялăн социаллă инфраструктурине аталантарнăшăн тата иккĕмĕш кварталта лайăх кăтартусемпе ĕçленĕшĕн райпо коллективне саламласа Центросоюз председателĕ Е.Н.Кузнецов телеграмма янă.