Ветерансен çуртĕнчи пÿлĕмсенче икшерĕн пурăнаççĕ, анлă та çутă зал тата телевизорлă тĕпел пур, лайăх столовăй ĕçлет. Кил-картинче – мунча, пĕчĕкçĕ кăна хитре сквер. Ваттисем ыйтнипе çуртра кĕлĕ кĕтесне те йĕркеленĕ.

Кунта пурăнакансен вăхăчĕ канупа кăна иртмест, вĕсем хаваспах юнашарти пахчара тăрăшаççĕ, хĕлле вара йĕри-тавралăха юртан тасатаççĕ. Пĕр сăмахпа каласан, асаннесемпе асаттесен тунсăхлама вăхăт та çук. Çак çуртра 17 ватă кил ăшшипе киленĕç тупнă. Вĕсене 4 социаллă ĕçчен пăхать.