Çак пысăках мар кĕнекере Элĕк районĕн вăрман фончĕн тытăмĕпе калăпăшĕ, 20-мĕш ĕмĕрте тата 21-мĕш ĕмĕр пуçламăшĕнче вăрман ĕçĕ мĕнле пулса пыни, вăрман хуçалăхĕн предприятийĕсен ĕçĕ-хĕлĕ çинчен çырса кăтартнă, вăрманçăсен кĕске биографийĕпе паллаштарнă. Кĕнекере çавăн пекех вăрман ĕçĕнче ертÿçĕре ĕçленĕ ентшĕмĕрсемпе хисеплĕ ятсене тивĕçнĕ вăрманçăсем çинчен те вуласа пĕлме пулать. Кусем вĕсем: Я.Ятманов (Вутлан), А.Харитонов (Уйкас), Г.Филиппов (Алкукасси), Б.Храбров (Шĕмшеш), Ш.Ефимов (Мăн Вылă), В.Митрофанов (Торпкасси), А.Сидоров (Кĕçĕн Тăван), Ф.Кошмаров (Чăрăшкасси), В.Михайлов (Йăлкăш), Л.Романов (Смородино).