Чăваш Республикин Президенчĕн автомобиль çулĕсем тăвас ĕçе хăвăртлатасси пирки йышăннă Указне пурнăçласа, Улăх Шĕмшеш ялĕ еннелле тăсăлакан çул-йĕр ĕçĕсем пуçланнă. Çакăншăн Шĕмшеш салинче пурăнакансем те хытах хĕпĕртеççĕ: ку автоçул шăпах çак ял витĕр иртет вĕт-ха. Автотрасса тăршшĕ – 1, 8 километр. Транспорт çаврăнмалли вырăн Чечен вăрçинче пуçне хунă Борис Казаков çуралнă кил умĕнче пулать. Çул-йĕр ĕçĕсен подрядчикĕ – “Спецстройкоммуникация” предприяти.

Таврари ялсенче пурăнакансем хăйсен тăрăхĕнче çывăх вăхăтрах такăр та тикĕс çул пуласса кĕтеççĕ.