Иртсе кайнă çулталăк Какаç ялĕнче пурăнакансене сахал мар савăнăç кÿчĕ. Ял çыннисене икĕ урама асфальт сарни хĕпĕртемеллипех хĕпĕртеттерчĕ. Пĕр хушă ялта çул-йĕр тăвас ĕç чарăнса ларнă пулнă. Тÿрĕ те тикĕс çул тăвассишĕн чунне парса тимлекен Валентина Григорьева пенсионерка шутласа пăхать те, Чăваш Сурăм ял тăрăхĕнче çул тума укçа-тенкĕ пуррине тупса палăртать. Темиçе хутчен тĕп хулана çитсе подряд организацийĕпе калаçса татăлать. Кĕçех Какаçра çул-йĕр тăвас ĕçсем сарăлса каяççĕ. Пурĕ 800 метр чухлĕ асфальт сарма пăхнă. Çапла вара Какаçра çĕнĕ çулта виçĕ урамĕнче те асфальт сарнă çул пулĕ.