Приоритетлă наци проекчĕсем ялти çынсене пулăшнине районта пурăнакансем хăйсем курса-пĕлсе ĕненеççĕ. Вĕсем патшалăх паракан çăмăллăхсемпе туллин усă курса харпăр хăй хушма хуçалăхне аталантарма кредитсем илеççĕ.

Иртнĕ çул 604 çын 72955 пин тенкĕлĕх кредит илнĕ. Çав укçа-тенкĕпе выльăх-чĕрлĕх витисем тума тата юсаса çĕнетме, пĕчĕк техника, выльăх-чĕрлĕх туянма усă курнă.

Харпăр хăй хушма хуçалăхĕн 597 хуçи пурĕ 69743 пин тенкĕлĕх кредит укçи илнĕ: вĕсенчен 422-шĕ 45454 пин тенкĕне Раççей перекет банкĕн уйрăмĕнче, 177-шĕ 27045 пин тенкĕлĕх Раççей ял хуçалăх банкĕнче. Кунсăр пуçне хресченпе фермерсен 7 хуçалăхĕ 3212 пин тенкĕлĕх кредитлă пулнă. Кредит укçи илме кăмăллакансем татах 52333 пин тенкĕ кивçен илес тĕллевпе ЧР Ял хуçалăх министерствине документсем тăратнă та ĕнтĕ.