Районта “2007-2008 вĕренÿ çулĕнчи чи лайăх шкул столовăйĕ” конкурс иртнĕ. Унăн тĕллевĕ – вĕренекенсене апат çитерессине лайăхрах йĕркелесси, апат пахалăхне лайăхлатасси, столовăйра ĕçлекенсен професси ăсталăхне ÿстересси. Пĕтĕмĕшле вăтам шкулсем хушшинче пĕрремĕш вырăна Юнтапари шкул столовăйĕ тухнă. Иккĕмĕш вырăнта – Мăн Ямаш шкулĕ, виççĕмĕшĕнче – Карачурари шкул столовăйĕ. Пĕтĕмĕшле пĕлÿ паракан шкулсенчен Вутланти шкул столовăйĕ пĕрремĕш вырăн йышăннă.

Республикăри конкурса хутшăнма ЧР экономика аталанăвĕн министерствине Юнтапа шкулĕ заявка тăратнă.