Çĕнĕ техника туянаççĕ
Ку чухнехи паха та пысăк тухăçлă техника – ял хуçалăхне ăнăçлă та тупăшлă аталантармалли тĕп никĕс. Çакна лайăх ăнланса илчĕç ял хуçалăх предприятийĕсен, хресчен-фермер тата харпăр хăй хушма хуçалăхĕсен етрÿçисем. Акă, «Родник» акционерлă общество МТЗ-82 тракторпа косилкăна кредит шучĕпе, тĕш тырă пухса кĕртмелли ДОН-1500 комбайна лизингпа туяннă.
Атмалкассинчи Шленскисем çăмăлатнă кредитпа Раççейри ял хуçалăх банкĕ урлă «Беларусь-132Н» пĕчĕк трактор илнĕ. Кăкарса ĕçлемелли хатĕрсем те пĕрлех: универсаллă окучникпа плуг, косилка. Çирĕккасинчи Романовсем те çăмăллатнă кредитпа Т-25 трактор, окучникпа плуг – пурĕ 120000 тенкĕлĕх туяннă. Çак ялтах пурăнакан Шашкинсем те çăмăллатнă кредитпа усă курнă, Т-25 трактор илнĕ.