Элĕк районĕнче граждансене хăтлă тата йÿнĕ çурт-йĕр туянма май паракан наци проекче ăнăçлă пурнăçланать. Сăмахран, иртнĕ çул 39450 тăваткал метр пурăнмалли çурт хута кайнă. Ку кăтарту 2006 çулхипе танлаштарсан 14 процент ытларах.

Çĕнĕ çул умĕн 9 çемье çĕнĕ хваттерсене пурăнма куçнă, «Строймонтаж» ĕçченĕсем çурта вăхăтра хута янă.

Çамрăк çемьесене хваттерсемпе тивĕçтерессипе те курăмлă ĕçленĕ. Акă 7 çемье каялла тавăрса памалли мар 2339,6 пин тенкĕ субсиди илнĕ. Патшалăх пулăшăвĕпе ялти çамрăк специалистсем те анлă усă курнă. 12 çамрăк çемьепе специалистсем 2230 пин тенкĕлĕх свидетельство илнĕ.