Районти хуçалăхсенче çурхи ĕçсем вăй илсе пыраççĕ. “Рассвет”, “Алмаз” обществăсенче, “Новый путь” хуçалăхра тĕш тырăсене акма хатĕрлессине лайăх йĕркеленĕ.

Агрегатсем тăпрари нÿрĕке сыхласа хăварассипе ĕçлеççĕ. Кĕрхи çĕртме уйĕсене “Возрождение” хресчен-фермер хуçалăхĕнче 50 гектар, “Новый путьре” – 37, “Алмаз” обществăра 30 гектар сÿреленĕ. Нумай çул ÿсекен курăксен уйĕсенче те техника ĕçлет.

Хуçалăхсенче кĕр калчисене минераллă удобренисемпе апатлантарассипе те тимлеççĕ. Ку ĕçе “Алмаз” обществăра 120 гектар, “Новый” путь хуçалăхра – 60, “Витязь” обществăра 20 гектар çинче пурнăçланă.

“Возрождение” хресчен-фермер хуçалăхĕнче çуртрисене акма çĕр 50 гектар, “Алмаз” обществăра 15 гектар хатĕрленĕ.

“Возрождение” хресчен-фермер хуçалăхĕнче çурхи тулăна 45 гектар акнă.

Çĕр улми вăрлăхне суйласа яровизацилеме хурассипе хресчен-фермер хуçалăхĕсем ăнăçлă ĕçлеççĕ. Çак ĕçе пурĕ 1850 тонна пурнăçланă.