Çак кунсенче Шĕнтреш ялĕнче пурăнакан Матрена Яковлевна Степанова хăйĕн 90 çулхи юбилейне паллă турĕ. Ĕç ветеранĕ, тыл ĕçченĕ вăрçăн тĕрлĕ тапхăрне тÿссе ирттернĕ, выçлăха, арканăва хыçа хăварма пултарнă. Кирек епле пулсан та чи паха ене – çынлăха сыхласа хăварнă.

Матрена Степанова 1947 çулта качча тухнă. Мăшăрĕпе пĕрле 3 ывăлпа 2 хĕре пăхса çитĕнтерсе ура çине тăратнă. Ача амăшĕ “Молния” хуçалăхра фермăра та тимленĕ, бригадăри тĕрлĕ ĕçсене те хутшăннă. Тивĕçлĕ канăва тухичченех ĕçрен уйрăлман. Хальхи вăхăтра вăл кĕçĕн ывăлĕн çемйипе пурăнать.

Юбилей ячĕпе ăна ЗАГС пайĕн начальникĕ М.Николаева, социаллă хÿтлĕх пайĕн заведующийĕ Г.Григорьева саламларĕç, парне пачĕç.