Элĕк салинче район пуçлăхĕн призĕсене çĕнсе илессишĕн республикăри çамрăк боксерсен 11 турнирĕ виçĕ кун пычĕ. Хисеплĕ хăнасем хушшинче Чăваш Республикин физкультура, спорт тата туризм министрĕ А.Николаев, район пуçлăхĕ А.Платонов, тĕнче чемпионĕ В.Львов, бокс Федерацийĕн Президенчĕ В.Леонтьев тата ыттисем те пулчĕç. Ăмăртăва Шупашкар, Çĕнĕ Шупашкар, Канаш, Çĕмĕрле хулисенчи тата Çĕрпÿпе Элĕк районĕсенчи, Лапсар поселокĕнчи çамрăк боксерсем хутшăнчĕç. Самар облаçĕн спортсменĕсем те ринга тухрĕç. Тĕрлĕ килограмлă виçере 50 спортсмен кĕрешрĕç.

“Чи лайăх боксер” ята Элĕк районĕнчи Евгений Петров тивĕçрĕ. Чи лайăх техника кăтартаканĕ – Элĕк районĕнчи Максим Максимов. “Çĕнтерÿ патне ăнтăлнăшăн” номинацире Самар облаçĕнчи Артем Семенкин хисепе тивĕçрĕ.