Иртнĕ эрнере Чăваш телевиденийĕн ÿкерÿ ушкăнĕ Элĕк районне килсе кайнă. Республикăри телевидени корреспонденчĕсем ял хуçалăх пайĕн начальникĕ    А.Прохоров ертсе пынипе В.Журавлев хресчен-фермер хуçалăхне çитсе курнă, вырăнти ĕç-хĕлпе паллашнă. Фермер патĕнче пулнă хыççăн Юманлăх ялне çул тытнă. 83 çулхи Авраам Семеновичпа курнăçнă корреспондентсем. А.Семенов ватă пулин те пыл хурчĕсемпе аппаланма юратать. Вăрçă ветеранĕ пыл мĕнле туса илмеллине  лайăх пĕлет. Килти хуçалăхра çавăн пекех вунă качака  тата кроликсем пур. Вĕсене те пăхма тивет. Авраам Семенович нумай интереслине каласа панă.