«Валинке» халăх фольклор коллективĕ хăйĕн çĕнĕ программине Шĕмшешри Ватăсен çуртĕнче кăтартма ĕлкĕрчĕ те ĕнтĕ. Хальхи вăхăтра халăх юррисен И. Вдовина ячĕллĕ «Ай юрлар-и» республикăри 3 конкурсне каякансене суйласа илес тата репертуара палăртас ĕç пырать.

Драма халăх коллективĕн ача-пăча студийĕ Юхма Мишин «Шăна кăмпи» хайлавĕ тăрăх юмах-спектакль хатĕрлеть. Ачасем ку спектакльпе республикăри ачасемпе çамрăксен «Юмах çăл куçĕ» театр пултарулăхĕн зонăри конкурсне хутшăнасшăн. Вăл чÿк уйăхĕн 16-мĕшĕнче Красноармейскинчи культурăпа кану центрĕнче иртмелле. Театр коллективĕн аслисен ушкăнĕ М. Андреевăн «Кăмака çинче ларса качча каяймăн» пьесипе ĕçлет. Бал ташшисен «Грация» халăх коллективĕ те тимлесех çĕнĕ программа хатĕрлет.