Çурт-йĕр çĕклесси нихăçан та çăмăл пулман. Çак ыйту уйрăмах çамрăксемшĕн йывăр. Ялта ĕçлесе пурăнакан çамрăк мăшăрсенчен чылайăшĕ уйрăм çурт лартса  пурăнма кăмăлаççĕ. «Раççей гражданĕсене – хăтлă çурт-йĕр» наци проекчĕ пурнăçа кĕнĕ хыççăн «Çамрăк çемьесене çурт-йĕрпе тивĕçтересси» çумпрограммăпа чылай çамрăк çурт-йĕр условийĕсене лайăхлатма пултарчĕ. Çитес вăхăтра районти тепĕр çемье пурăнмалли вырăнсене çĕнетĕç.

Çакна палăртмалла, патшалăх пулăшăвĕпе усă курса çамрăксем ялтах тымар яраççĕ, хăйсен пурнăçне çуралса ÿснĕ кĕтеспе çыхăнтараççĕ.