Райадминистрацин ЗАГС пайĕ кăçалхи 11 уйăхра 164 ача çурални çинчен акт çырнă. Çакă  иртнĕ çулхи 11 уйăхринчен 19 пепке сахалтарах. Арçын ачасем – 85, хĕр ачасем – 79.

57 çемьене пирвайхи кайăк килнĕ, иккĕмĕш ача – 58 çемьере, 28 пепке виççĕмĕш пулса тăнă, 14 ача – тăваттăмĕш, 6 – пиллĕкмĕшсем, тепĕр çемьере  улттăмĕш ача çуралнă.

Çын вилесси пĕлтĕрхинчен чакнă. Кăçал 340 çын леш тĕнчене кайнă, вĕсенчен арçынсем – 172, хĕрарăмсем – 168. Районта иртнĕ çулхи 11 уйăхринчен  20 çын сахалтарах вилнĕ. Арçынсен вăтам пурăнаслăхĕ – 60 çул, хĕрарăмсен – 78 çул. Кăрлач-чÿк  уйăхсенче 96 мăшăра регистрациленĕ, 42 мăшăр уйрăлас тенĕ.