Çут тĕнчене 184 пепке килнĕ
Район администрацийĕн ЗАГС пайĕ 2008 çулхи ĕçсене пĕтĕмлетрĕ. Пĕлтĕр 184 ача çуралнă, унчченхи çулхине çут тĕнчене 203 пепке килнĕччĕ. Пуçласа хĕвел çути куракансенчен 93-шĕ – арçын ачасем, 91-шĕ – хĕр ачасем. Иртнĕ çул икĕ йĕкĕреше регистрациленĕ.
70 çемьери ачасем – пирвайхисем, иккĕмĕшсем – 61 çемьере, 29 ача виççĕмĕш пулса тăнă, тăваттăмшсем – 16-ăн, 6 пепке – пиллĕкĕмĕш, 2-ĕн улттăмĕшсем.
Пĕлтĕр 367 çын пурнăçран уйрăлнă (2007 çулхинчен 21 сахалрах). Çак шутран 182-шĕ – арçынсем, 185-шĕ хĕрарăмсем. Арçынсем вăтам пурăнаслăхĕ – 60 çул, хĕрарăмсен – 78 çул.
2008 çулта 109 мăшăрланăва шута илнĕ (2007 çулта – 161 мăшăрлану). 45 мăшăр уйрăлни çинчен акт çырнă.