Республикăра пĕрлĕхрĕ информаци кунĕ иртнĕ май, районти «Пурнăç çулĕпе» хаçат редакцийĕнче Чăваш кĕнеке издательствин директорĕ, ЧР Журналистсен  союзĕн правленийĕн председателĕ В.П.Комиссаров пулчĕ. Валерий Петрович журналистсене Чăваш Республикин Президенчĕ Н.В.Федоров ЧР Патшалăх Канашне янă Çыру тĕллевĕпе пĕлтерĕшĕ çинчен каласа пачĕ, кĕнеке издательстви, республикăри Журналистсен союзĕ юлашки тапхăрта туса ирттернĕ ĕçсемпе, малашнехи тĕллевсемпе паллаштарчĕ, ыйтусене хуравларĕ.

Кун хыççăн В.П.Комиссаров Элĕкри А.И.Золотов ячĕллĕ тĕп библиотекăна çитсе курчĕ. Вăл районти библиотекăрьсене Чăваш кĕнеке издательствин ĕçĕ-хĕлĕпе паллаштарчĕ.