Чи ăста класс ертÿçисем
Районта тăваттăмĕш çул чи лайăх класс ертÿçисен конкурсне ирттереççĕ. Кăçал унăн пĕрремĕш тапхăрĕ кăрлачра пулнă. Унта 21 класс ертÿçи хутшăннă.
Нарăсăн 27-мĕшĕнче Элĕкри культурăпа кану центрĕн сцени çине хитре те ырă кăмăллă, ăста та пултаруллă чи лайăх 9 класс ертÿçи тухрĕ. Вçсем пурте ачасем патне çул тупма, хăйсен ăсталăхне, чĕре ăшшине çынсене пама пултарчĕç.
Ăмăртура пулнисем хăйсен педагогикăри пултарулăхне кăтартрĕç. Çĕнтерÿçĕсемшĕн конкурс вĕçленмен-ха. Элĕк шкулĕнчи пуçламăш классене вĕрентекен Ф.Иванован, Мăн Ямаш шкулĕнчи истори учительницин Н.Данилован, Питĕшкасси шкулĕнчи акăлчан чĕлхине вĕрентекен В.Серафимовăн район чысне республикăри конкурсра хÿтĕлеме тивĕ. Вĕсем «Класс сайчĕ» тематика баннерне хатĕрлеççĕ.