Çул-йĕр ĕçченĕсем пĕлтĕрхи çул тата кăçалхи пĕрремĕш кварталта мĕнле ĕçсем туса ирттернĕ? Çак тата ытти ыйтусене хускатрĕç ятарлă комисси ларăвĕнче. «Алиководорстрой» общество ертÿçи А.Семенов район территорийĕнчи хăш-пĕр çулсем хытă арканнине, анчах вĕсене юсама укçа-тенкĕ сахал уйăрнине пĕлтерчĕ. Хĕл кунĕсенче те ĕçсĕр ларман, çулсене юртан тасатнă, çавăн пекех йывăç-тĕмсене каснă. Çанталăк ăшăтсан шăтăк-путăксене сапласшăн. Тени, Вырăс Сурăм, Элĕк-Юнтапа çулĕсем çине уйрăмах тимлĕх уйăрмалла пулĕ.

Комисси техникăна тĕрĕслев витĕр кăларасси пирки те калаçу хускатрĕ. График хатĕр. Çавăнпа та техникăна тĕплĕ хатĕрлемелле, çитменлĕхсене хальтерех пĕтермелле.