Паянхи куна пирĕн районта Тăван çĕр-шывăн Аслă вăрçине хутшăннă 89 çын тата тăлăха тăрса юлнă салтак арăмĕсем 22-ĕн пурăнаççĕ. Аслă вăрçăра пулнă 1 çын пурăнмалли çурт-йĕр условийĕсене лайăхлатмалли черетре тăрать.

2008 çулта 11 ветерана автотранспортпа тивĕçтернĕ, пĕр çынна 100 пин тенкĕлĕх саплаштару укçи панă. Кăçал кун пек укçана Аслă вăрçăн 8 инваличĕ илнĕ.

ЧР Министрсен Кабинечĕн хушăвĕпе аслă вăрçа хутшăннă ветерансене пулăшма пирĕн района 41 пин тенкĕ уйăрса панă. Кашни ветерана 315 тенкĕлĕх апат-çимĕç  пуххи тивĕçет. Кунсăр пуçне Пенси фондĕнчен пенси укçи илекенсене 350-шар тенкĕлĕх пулăшу кÿреççĕ.