Ачана амăшĕн ăшши кирлĕ
Çулталăк пуçланнăранпа йывăр лару-тăрура пурăнакан, аслисен ăшшине туйман виçĕ ачана тупса палăртнă. Çавăн пекех çула çитмен 37 çамрăк пурăнакан кил-çурт условийĕсене тĕрĕсленĕ. Ачасен прависене хÿтĕлессипе çыхăннă 16 суд ларăвне хутшăннă. Ачасем усрава илес тата ытти ыйтусемпе 60 гражданина йышăннă.
Кăрлач-ака уйăхĕсенче тата тăватă ача ашшĕпе амăшне тупрĕç.
Пĕр çынна ашшĕ-амăшĕн прависĕр хăвартăмăр, ывăл-хĕрне çывăх тăванĕсем хăйсен хÿттине илчĕç.
Паянхи куна районти опекăпа попечительство органĕнче усрава илнĕ 97 ача сăнавра тăрать. 23 усрав çемьере 38 ача ÿсет.
"Пурнăç çулĕпе" Аликовская районная газета