Тирпей-илем кÿчĕç
Тавăт ял-тăрăхĕнче ялсем нумай. Масарсем – тăваттă. Çак кунсенче Тавăт ял масарĕ çинче тирпей-илем кÿрес тĕллевпе тăрăшса ĕçлерĕç. Унта ялти культура ĕçченĕсем Алина Осипова, Ритта Егорова, Алена Ефимова хутшăнчĕç. Масар çинчи çÿп-çапа пуçтарса çунтарнă çĕрте ĕçе вырнаçтаракан центрата тăракансем те тимлерĕç. Кĕленче савăт-сăпасене пуçтарса çĕр айне чавса хучĕç.
Çавăн пекех Хирлеппуç масарне Галина Антонова, Вера Петрова, Алексей Петров тата ыттисем тирпей-илем кÿчĕç.
Кĕçĕн Тăван масарне тирпейлессине Раиса Григорьева йĕркелерĕ. Кунта культура ĕçченĕсем тăрăшрĕç. Шураçсем те вĕсенчен юлмарĕç.
Манăн çакна калас килет масар – сăваплă вырăн. Ăна яланах тирпейлĕ тытмалла.