Раççей Çамрăксен ячĕпе республикăра çамрăк çемьесен «Шанчăк, Ĕненÿ тата Юрату» («Вера, Надежда, Любовь») клубĕн фестивалĕ иртнĕ. Унта Элĕкри Еленăпа Александр Терентьевсем те хутшăннă. Ку мăшăр унччен видеороликсен «Çамрăк çемье - 2009» конкурсра та хăйсен пултарулăхне тĕрĕсленĕ иккен.

Çу уйăхĕн 15 –мĕшĕнчен пуçласа çĕртме уйхĕн 15- мĕшĕччен влаç органĕсен порталĕнче çамрăк çемьесен чи лайăх  видеороликĕсене палăртмалли сăнав ирттернĕ. Çак тапхăрта çамрăк мăшăрсене тăванĕ-хурăнташĕсем, тус-юлташĕсем, пĕлĕшĕсем ырă сĕнÿсем, лайăх канашсем парса пулăшнă. Çĕнтерÿçĕсемпе мала тухнисене вара шăпах Çамрăксен кунĕнче Чăваш  патшалăх оперăпа балет театрĕнче чысланă. Пирĕн ентешсем – Терентьевсем унтан кубокпа тата дипломпа таврăннă. Вĕсем «Çамрăк çемье – 2009» видеоролик конкурсĕн «Туй историйĕ – чи  çепĕç истори» номинацинче çĕнтернĕ.